Popular Bible Verses from 1 Kɔlɛ́ntinu 14

Share

Đó Mawu ylɔ́ mǐ, bónú mǐ ná zán gbɛ hannyahannya ǎ, lo ɔ́, mǐ ná mɔ fífá wútu wɛ é ylɔ́ mǐ. Lě e é kó nɔ nyí gbɔn ɖo mɛɖeɖóvo Mawu tɔn lɛ́ɛ sín agun lɛ́ɛ bǐ mɛ ɔ́

Hǔn wǎn yíyí wɛ mi ná nɔ ba jɛ nukɔn nú nǔ bǐ; mi nɔ ba nǔníná Yɛsinsɛn tɔn lɛ́ɛ lɔmɔ̌; ɖo tají ɔ́, mi nɔ ba ná yí wɛn ɖo Mawu sí bó dó.

Amɔ̌, mɛ e yí wɛn ɖo Mawu sí bó ɖo dǐdó wɛ ɔ́, gbɛtɔ́ lɛ́ɛ ɖɔ xó ná wɛ é ɖe, bónú yě ná dó yi nukɔn ɖo nǔɖiɖi mɛ, bó ná dó ná akɔ́nkpinkpan yě, bó ná dó dó gbɔ nú yě.

Mɛ e ɖo xó ɖɔ dó gbe tɛnmɛ tɛnmɛ mɛ wɛ ɔ́, é ɖésúnɔ ná hlɔ̌nhlɔ́n wɛ é ɖe; lo ɔ́, mɛ e yí wɛn ɖo Mawu sí bó ɖo dǐdó wɛ ɔ́, agun ɔ́ bǐ dɔn yi nukɔn wɛ é ɖe ɖo nǔɖiɖi mɛ.

Énɛ́ ɔ́, ɖěe é nyí ɖɔ nǔníná Yɛsinsɛn tɔn lɛ́ɛ ba wɛ mi ɖe vɛ́návɛ́ná ɔ́, mi ní ba ée ná zɔ́n bɔ agun ɔ́ ná yi nukɔn tawun lɛ́ɛ é, bónú yě ní sukpɔ́ ɖo mi sí.