Popular Bible Verses from 1 Kɔlɛ́ntinu 13

Share

Wǎn yíyí nɔ kú hǔn; é nɔ nyɔ́ xomɛ; é nɔ jló mɛ nú ǎ; é nɔ́ jlá ajɔ̌ nú éɖée ǎ; é nɔ́ yí go ǎ. Wǎn yíyí nɔ́ wa winnyánú ɖěbǔ ǎ; é nɔ́ ba ɖɔ émí ɖokpónɔ géé tɔn jɛ́n ná nyɔ́ ǎ; nǔɖé nɔ́ sin xomɛ n'i ǎ; é ka nɔ lɛ́ hɛn mɛ dó xomɛ ǎ.

Wǎn yíyí nɔ́ zɔ́n bɔ è nɔ dɛ ɖo nǔ bǐ nu; ényí mǐ ná bó ɖo ninɔmɛ ɖěbǔ mɛ ɔ́, wǎn yíyí ɔ́ nɔ hɛn nǔɖiɖi mǐtɔn, kpó nukúnɖíɖó mǐtɔn kpó, kpódó hǔnkúkú mǐtɔn kpán ɖó te.

Nǔ agɔ wiwa wɛ nɔ hun xomɛ nú mɛ e ɖó wǎn yíyí é ǎ; lo ɔ́, nǔgbó wɛ nɔ hun xomɛ n'i.

Nǔ atɔn e ná nɔ ayǐ sɔ́yi lɛ́ɛ ɖíe: nǔɖiɖi, nukúnɖíɖó kpó wǎn yíyí kpó; wǎn yíyí wɛ ka hú gǎn yě bǐ.

Wǎn yíyí ná vɔ gbeɖé ǎ; wɛn Mawu tɔn lɛ́ɛ dídó ka ná vɔ; xó ɖɔ dó gbe tɛnmɛ tɛnmɛ mɛ ná nɔ te; nǔ e mǐ tunwun ɔ́ na vɔ.

Ényí un ná bo nɔ ɖɔ xó dó gbɛtɔ́ lɛ́ɛ kpódó wɛnsagun Mawu tɔn lɛ́ɛ kpó sín gbe mɛ, bó ma ka ɖó wǎn yíyí ǎ ɔ́, xó ce lɛ́ɛ ná cí hǔn abǐ gan e xo wɛ è ɖe kpowun, bɔ é ma ɖo xó ɖě ɖɔ wɛ ǎ é ɖɔhun.

Ényí un ná bo ɖó nǔníná e nɔ yí wɛn ɖo Mawu sí, bó nɔ dó ɔ́, un ná bó mɔ nukúnnú jɛ nǔbúdo lɛ́ɛ bǐ wú, bó ná bó tunwun nǔ bǐ ɔ́, un ná bó ɖó nǔɖiɖi e sixú sɛ tɛn nú só ɔ́, bó ma ka ɖó wǎn yíyí ǎ ɔ́, un nyí nǔtí ǎ.

Nú un ná bó má dɔkun ce lɛ́ɛ bǐ nú mɛ, un na bo sɔ́ agbaza ce dó sá vɔ̌, bɔ è dǒ zo, bɔ un ma ka ɖó wǎn yíyí ǎ ɔ́, nǔɖé ɖ'é mɛ nú mì ǎ.

Hwenu e un ɖo yɔkpɔ́vú ɔ́, un nɔ ɖɔ xó yɔkpɔ́vú ɖɔhun, bó nɔ lin nǔ yɔkpɔ́vú ɖɔhun, lobɔ ayixa ce nɔ mɔ nǔ yɔkpɔ́vú ɖɔhun; lo ɔ́, ée un wá húzú mɛxó ɔ́, nǔ e nyí yɔkpɔ́vú tɔn lɛ́ɛ bú.