Popular Bible Verses from Roma ma 8

Share

Nee kwa kwa go kaŋ ma pet a det ya ke kwaɗa ne naa ge nama laar ne wa̰ Dok ma pe, ne nama ge na ne tó nama ya laar ɓyareya ge na ne zi ma pe.

Ago mbi da ne kwarra tyatyat go, ko siya, ko kat ne ndwara, ko maleka ma, ko gan ma, ko kaŋ ge ma̰ ma, ko kaŋ ge ne mbo mbo ya ma, ko pool ma, ko kaŋ ge ne digi ya ma, ko kaŋ ge ne suwar pe se ma, ko kaŋ dolla a̰me, ne pool ge varse nee ne laar wanna ge Dok ne, nee Bageyal Kris Jeso ne zi to bat.

Uwale, O̰yom mbo ya mbar taŋgay ge nee ne, ago nee kwa ke kaɗeya ne na viya̰ go to, amma a O̰yom sḛ ke kaɗeya ne nee pe ne, ne fare ma ge nee ne mbya jan nama to.

Nee gwan jan gyana ɗaa? Kadɗa Dok da ne nee ɗe, a wuɗi ke ho̰l ne nee ne ɗaa?

Ne se no ɗe, sarya a̰me ge wan nama ge ne Kris Jeso zi ma to bat.

Haŋgal eya kaŋ kerra ge duur ne ma pal, gene naa siya zi, amma haŋgal eya kaŋ kerra ge O̰yom ne ma pal, gene naa ndwara zi ne kat halas zi.

Amma kaŋ mbe ma no zi pet puy ɗe, nee naa ge ne há hal ma ne ne bage na laar ne wa̰ nee ta.

Mbi dwat go yál njot ge nee ne ge zaman mbe no zi mbyat ne hormo ge Dok ne mbo dyan nee na ja to.

A wuɗi mbo varse nee ne laar wanna ge Kris ne go ne ɗaa? A wak nonna, ko iigiya, ko yál kerra, ko kyamal, ko swala, ko banna wak, ko pore ɗaa?

Na ge ne hale dulwak ma kwa kaŋ ge O̰yom ne kaɗe na kwa. Na sḛ kaɗe ne naa ge mbegeya ma pe laar ɓyareya ge Dok ne pal.

Ago nama ge O̰yom ge Dok ne ne ɗame nama ma pet, a Dok vya ma ne.

Ago nama ge a ne ke mborra duur pal ma, a é bama haŋgal kaŋ ge duur ne ma pal, amma nama ge a ne ke mborra O̰yom zi ma, a é bama haŋgal kaŋ ge O̰yom ne ma pal.

Na ge ne mbege na vya ge na ne sḛ to, amma ya̰ na suya ne nee pe no pet, ke ma̰ pe gyana ba hon nee kaŋ ma pet ne na to ɗaa?

O̰yom mbe sḛ ke nee o̰yom kwarra go nee Dok vya ma ne. Kadɗa nee na vya ma ne, nee naa ge zam na joo ma ne. Nee naa ge zam Dok joo ma ne poseya dagre ne Kris. Kadɗa nee njot yál poseya ne na, nee mbo kat poseya ne na hormo ge na ne zi me.

Ago kaŋ kerra ge duur ne ma a ho̰l ne Dok, ne da pe duur gwan ne na pala eya ge Dok ne pe se to, na sḛ day to.

Ago kaŋ dolla ma pet a da ne jobreya go dam ge Dok ne é na go ba dyan hormo ge na vya ma ne na mbo ya avun.

Nee da ne kwarra go, ne se no, kaŋ dolla ma pet a sun ta, a ka njot yál dimma ne gwale ge ne ke twala go.