Popular Bible Verses from Leviticus 26

Share

Akunapsingnele arvertaromavunga, Gûdeojomavlunga ilipsingnut, ilipselo inuᴋutigijomavapse.

Silaluᴋojijomavunga naliuningane, nunalo sakᴋêjuksauvok perortuminik, napârtullo perorsêvingmêtut sakᴋertitsilârput paungamingnik.

Maligaksaukojakka arvertarvigigupsigik, perᴋojakkalo nâlekupsigik piniarlugillo

Ulapirksaumiglo tunitjijomavunga nunapsingne, inangalârposelo kapiasuktitaunase kimullônêt; ômajullo erᴋsinartut pêjaromavakka nunapsingnit, saviksoarlo ingergarniangilak nunapsigut.

Uvangalo kamagitsiaromavapse, kinguvâᴋartitsomavapselo unuksitiluselo; angerneralo ilipsingnut atsungersoromavara.

Uvangauvunga Nâlegak Gûdise tikiutitise nunamit Egiptenemit kipaloᴋonase tâpkonunga; nangmautapsele ᴋejuktangit navilauᴋpakka, makitatsiarluse arvertarungnarᴋovluse.

Tuperalo âᴋiksoromavara akunapsingne; tarnimalo naggoginiangilâse.

Gûdingoaliortuksaungilase ilipsingnut, napartitsijuksaungilaselo Gûdingoanik auktisimajunik, ujarasusungniglônêt napajunik, ujarᴋaniglônêt adsingoalingnik âᴋiksoijuksaungilase nunapsingne tuksiarvigijomavlugit; Uvangaugama Nâlegak Gûdise.

Nerrilârposelo nutaungitunik torᴋorsimajapsingnik, nutaungitullo anilârpase nutât iniksaᴋarᴋovlugit.

Ilase tallimat aijalilârput hundredenik, ilaselo hundredit ᴋemâtitsilârput ten thousandenik, ômigijiselo oggolârput sâpsingne saviksoakut.

Sanaugaksapselo pêjartauvinga angutiniarpok vaineliksat paungangita katersortauvianik, paungallo katersortauvia angutiniarpok karngasoivingmik; niaᴋôjartolârposelo akᴋeartorluse, inôlârposelo nunapsingne terlikluse.

Omigijisele udlalârpase, tâpkoalo oggolârput sâpsingne saviksoakut.

Sabbateᴋotikka uvloksioraksarivase, ivsornaitoviᴋotigalo opigilugo; Uvangaugama Nâlegak.