Popular Bible Verses from Exodus 23

Share

Nâlegarlo Gûdise kivgartoraksarivase, tâpsomalo nerᴋiksatit imiksatillo saimartitsomavait; ᴋanimaserillo pêjaromavakka akunapsingnit. Serᴋomitsijoᴋaromângilak piaraksamingnik, ᴋitorngisuitoᴋaromâranelo nunangne; Uvluksavillo unurningit nâmaksititsomavakka.

Ahak, sivunerne Engele tilijomavara, saputjerᴋovlugo ilingnik apᴋome, tikitilutillo iniksaliarimajamnut perᴋovlugo.

Nipingale nâlatsiarungne, piniarlutillo tamainik oᴋauserijamnik, omisukteojomavunga omigijingnut, akkerartorteovlungalo akkerartortingnut.

Inugasaksuit maligaksarilungilatit idluitulijomavlutit; idluarsaivingmelo kiojuksaungilatit idluarnek muminasuaromavlugo inuit unuktut taimailiormata. Inuglo aklujok nertoraksarilungilat akkerartorninga pivlugo.

Unipkausiksaliortuksaungilatit mikseᴋârtôlungitomik; aggatit ilautailitikit idluitulijunut kigligiudjijôjomavlutit nalâgôngitomik.