Popular Bible Verses from Ephesus 2

Share

Nǫ̀htsı̨ ededı̨ gok'e eghàlaı̨dà hǫt'e, t'asìı nezı̨ı̨ weghàlats'eeda gha Zezì-Krı dahxà gòèhtsı̨ hǫt'e. Nǫ̀htsı̨ hanì wegha nezı̨į̀ eghàlats'eeda ha nadąą̀ gogha sınìhòı̨ɂǫ hǫt'e.

Nǫ̀htsı̨ wesǫnıwǫ t'à edaxàwhahde hǫt'e, eyıts'ǫ naxıgha ehkw'ı-ahodı t'à Nǫ̀htsı̨ wesǫnıwǫ ààhchı hǫt'e. T'asìı haahłà t'à naxıghǫ̀t'ǫ nıìle, hanìkò Nǫ̀htsı̨ naxıghàyı̨ı̨ɂǫ hǫt'e. Hòtł'ò eghàlats'ı̨ı̨dà t'à gǫǫ̀t'ǫ nıìle, eyıt'à dǫ wı̨ı̨zìı yeghǫ xàdahodì ha nıìle.

Hanìkò Nǫ̀htsı̨ sıì goghǫneètǫ t'à, eyıts'ǫ sıì etegoèhɂı̨ t'à, Zezì-Krı wexè nats'ìdà agǫ̀ǫ̀là. Hołı̨ı̨ hots'èhtsı̨ t'à dǫ ełaı̨dèe lats'ı̨ı̨t'e ı̨lè kò ts'eedaà agǫ̀ǫ̀là. Eyıt'à Nǫ̀htsı̨ gots'ǫ̀ sǫnıwǫ ts'ıhɂǫ̀ edaxàts'ı̨ı̨de hǫt'e.

Nǫ̀htsı̨ sìı Zezì-Krı wexè nats'ìdà agǫ̀ǫ̀là hǫt'e. Zezì-Krı wexè ts'eeda t'à, goxı̨ sı ı̨dòo yak'e wexè ts'eèhkw'eè lagǫ̀ǫ̀là hǫt'e.

Eyıt'à naxı̨ sìı Nǫ̀htsı̨ ts'ǫ̀ nıwà aaht'e-le aahjà, hanìkò Nǫ̀htsı̨ wets'ǫ dǫ gıxè aaht'e, eyıts'ǫ Nǫ̀htsı̨ weza aaht'e. Goxı̨ hazǫǫ̀ yìetł'aà whetǫǫ k'e kǫ̀ hòèlı̨ı̨ lanì Nǫ̀htsı̨ wecheekeèdeè eyıts'ǫ nakwenàoɂǫǫ gıyatıì k'e nàts'eèhza lats'ı̨ı̨t'e, eyıts'ǫ Zezì-Krı ededı̨ sìı kwe denahk'e wet'àaɂàa elı̨, wet'à yìetł'aà whetǫǫ k'e kǫ̀ hòèlı̨ı̨ sìı nàtsoò yııtǫ̀.