Popular Bible Verses from Dagiti Salmo 18

Share

Ti APO ti salaknibko; isu ti bato a sarikedkedko. Ti Diosko ti mangsalaknib kaniak, kenkuana, awan ti pakaan-anoak. Kas maysa a kalasag salaknibannak, ikaluya ken salluadannak.

Daytoy a Dios awan pakapilawan ti aramidna, mapagtalkan dagiti saona! Mayarig iti maysa a kalasag nga agpaay kadagiti amin a kumamang kenkuana.

Umawagak iti APO, ket isalakannak kadagiti kabusorko. Madaydayaw ti APO!

Iti pannakariribukko, immawagak iti APO; immasugak iti tulong iti Diosko. Iti templona, nangngegna ti timekko, ket impangagna ti asugko.

Ni Yahweh ti mangted iti silawko; lawagan ti Diosko ti nasipnget a biagko.

Isu ti Dios a mangmangted iti pigsak, aramidenna a natalged ti pagnaak.

Agbiag ti APO! Madaydayaw ti salaknibko! Ipakaammoyo ti kinatan-ok ti nangisalakan kaniak.