Popular Bible Verses from Dagiti Proverbio 22

Share

Iruammo ti ubing iti umno a dalan ket uray inton lumakayen dinanto panawan.

Agbutengka iti APO, agpakumbabaka, ket magun-odmonto ti kinabaknang, dayaw ken atiddog a biag.

Nasaysayaat a piliem ti naimbag a nagan ngem ti kinabaknang.

Dika makigayyem kadagiti tattao a napudot ti ulona ken nalaka nga agpungtot.

Agparaburka ket ibingayam dagiti napanglaw iti taraonmo. Mabendisionankanto iti daytoy nga aramidmo.

Makita ti manakem ti dumteng a riribuk ket liklikanna, ngem sarakusoken ti saan nga agpampanunot a tao ket agbabawi kalpasanna.

Tagabu dagiti nabaknang dagiti napanglaw. Umutangka ket tagabunaka ti nagpautang kenka.

Awan paggiddiatan ti nabaknang ken ti napanglaw, agsipud ta agpadpadada a pinarsua ti APO.

Dimo gundawayan dagiti napanglaw gapu laeng ta kabaelam nga aramiden; dimo gundawayan dagiti awan gawayna a naidarum iti pangukoman. Ikalinteganto ti APO ida, ket pukawennanto ti biag dagiti dakes ti panggepna kadakuada.