Popular Bible Verses from Dagiti Proverbio 21

Share

No naasi ken nalintegka, napautto ti panagbiagmo; raemendakanto dagiti tattao ket kalangendakanto a nasayaat.

Agplanoka a siaannad ket maaddaankanto iti nawadwad; no gangganatem ti aramidmo, agkurangkanto iti kasapulan.

Annadam ti panagsaritam no kayatmo nga awan ti pakaisagsagmakam.

Mabalin nga ipagarupmo a naimbag amin nga aramidmo, ngem laglagipem a tingitingen ti APO dagiti panggepmo.

Mabalinmo nga isagana dagiti kabalio a pakigubat, ngem ti APO ti mangted iti balligi.

Aramidem ti naimbag ken nainkalintegan; ad-adda a maragsakan ni Yahweh iti dayta ngem ti panangidatagmo iti daton.

No makapungtot kenka ti APO, saannaka a matulongan ti kinasirib, kinalaing ken sirmatam.

No dimo ipangag ti asug ti napanglaw, saankanto met a maipangag inton sika ti umawag.