Popular Bible Verses from San Mateo 16

Share

Kalpasanna, kinuna ni Jesus kadagiti adalanna: “Ti agtarigagay a sumurot kaniak masapul a tallikudanna ti bagina, ibaklayna ti krusna, ket surotennak.

Ibagak ngarud kenka a sika ket Pedro. Iti rabaw daytoy a bato, bangonekto ti iglesiak ket uray ni patay dinto agballigi kenkuana.

Itedkonto kenka dagiti tulbek ti Pagarian ti Langit. Ti aniaman nga iparitmo ditoy daga, maiparitto met sadi langit. Ket ti aniaman nga ipalubosmo ditoy daga, maipalubosto met sadi langit.”

Ta ti siasinoman a mangipatpateg iti biagna, mapukawnanto. Ngem ti siasinoman a mangyawat iti biagna gapu kaniak, maisalakannanto.

Adda aya magunggona ti tao no matagikuana ti entero a lubong ngem mapukawna met ti biagna? Awan! Awan ti maited ti tao a pangsubbot iti biagna.

“Ket dakayo,” sinaludsod ni Jesus, “siasinoak iti panagkunayo?” “Sika ti Cristo, ti Anak ti sibibiag a Dios,” insungbat ni Simon Pedro.

Kinuna ni Jesus, “Nagasatka, Simon nga anak ni Jonas. Saan a tao no di ket ni Amak sadi langit ti nangipaltiing kenka iti daytoy a kinapudno.