Popular Bible Verses from San Mateo 15

Share

Ngem dagiti rummuar iti ngiwat agtaudda iti puso, ket dagitoy ti mangtulaw iti tao. Ta ti puso ti pagtaudan dagiti dakes a pampanunot a mangiturong kenkuana a pumatay, makikamalala, agderrep, agtakaw, agulbod ken mamadpadakes.

Saan a ti ipauneg ti tao ti mangtulaw kenkuana no di ket ti rummuar iti ngiwatna.”

‘Kuna ti Dios, dagitoy a tattao kunkunada a dayawendak, Ngem adayo ti pusoda kaniak. Awan serserbi ti panagdaydayawda kaniak Gapu ta isursuroda dagiti linteg nga aramid ti tao ket ibilangda a bilinko.’ ”

Iti kasta, kinuna ni Jesus kenkuana, “Babai, dakkel ti pammatim! Maited kenka ti dawatmo.” Ket iti dayta met la nga oras, immimbag ti anakna.

Ngem napan nagparintumeng ti babai iti sango ni Jesus sana kinuna, “Tulongannak kadi, Apo!” “Saan a rumbeng nga alaen ti kanen dagiti ubbing sa ipurruak kadagiti aso,” kinuna ni Jesus. “Agpayso ta kunam, Apo,” insungbat ti babai, “ngem uray dagiti aso kanenda dagiti murkat a maregreg iti sirok ti lamisaan ti apoda.”