Popular Bible Verses from Isaias 55

Share

Kuna ti APO, “Ti panunotko saan a kas iti panunotyo, ket ti aramidko saan a kas kadagiti aramidyo.

No kasano a nangatngato ti langit ngem ti daga, kasta met a nangatngato ti wagas ken panunotko ngem ti wagas ken panunotyo.

Birokenyo ti APO, ita ta masarakan pay, umawagkayo kenkuana, ita ta asideg pay.

Masapul nga isardeng dagiti managdakdakes ti wagas ti panagbiagda, ket baliwanda ti panagpampanunotda. Agsublida koma iti APO a Diostayo, isu a manangngaasi ken madadaan a mamakawan.

Kuna ti APO, “Umaykayo, dakay amin a mawaw— adtoy ti danum! Umaykayo, dakayo nga awan kuartana— gumatangkay iti taraon ket mangankayo! Umaykayo gumatang iti arak ken gatas— gumatangkay ngem awan ti bayadanyo.

“Mayarig ti saok iti tudo ken niebe a mangsibog iti daga. Pagtuboenda dagiti mula; mangtedda iti bukel a bin-i ken taraon. Kastanto met dagiti sao nga ibalikasko, aramidendanto nga aramiden dagiti tarigagayko, magun-oddanto ti panggep a nangibaonak kadakuada.

“Naragsakkayto a pumanaw iti Babilonia; sitatalnakayto a mairuar iti siudad. Agkakantanto dagiti bambantay ken turturod, agpukkawto dagiti kaykayo gapu iti rag-o.

“Ipangagdak ita, dakay a tattaok, ket umaykayo kaniak; umaykayo ket maaddaankayto iti biag. Makitulagak kadakayo iti agnanayon a tulag, ket itedkonto kadakayo dagiti bendision nga inkarik ken ni David.