Popular Bible Verses from Isaias 54

Share

Ngem awanto ti armas a makasugat kenka, ket no adda pakaidarumam, addanto latta sungbatmo a nakasagana. Salaknibakto dagiti adipenko, ket pagballigiekto ida.” Daytoy ti sao ti APO.

Mabalin a margaay dagiti turod ken bantay, ngem dinto agpatingga ti panagayatko kenka. Salluadakto iti agnanayon ti tulagko iti pannakikappia.” Kastoy ti sao ti APO a mangipatpateg kenka.

Dika agbuteng—dikanton maibabain; saankanton a malalais. Malipatamton ti kinagulibmo a kas asawa idi ubingka pay. Malipatamton ti nakaay-ay-ay a kasasaadmo a kas balo.

Kaslanto maysa nga asawa ti pannakilangen kenka ti Namarsua— APO a Mannakabalin-amin ti naganna. Isalakannakanto ti Nasantoan a Dios ti Israel— isu ti agturay iti entero a lubong.

Palawaem ti tolda a pagtaengam, silpoam dagiti talina ket palagdaem dagiti pasokna.

“Siakto ti mangisuro kadagiti tattaom; paraburakto ida ket rumang-ayda, addanto kappia iti sidongda.

Iti apagdarikmat, simged ti pungtotko ket pinanawanka. Ngem ipakitakto kenka ti agnanayon nga ayatko.” Kastoy ti kuna ti APO a mangisalakan kenka.

“Iti apagkanito, binaybay-anka; iti nasged nga ayatko, isublika iti arpadko.

“Idi tiempo ni Noe, inkarik a diakton layusen ti daga. Ita, ikarik a saankanton a kapungtot; dikanton ungtan wenno dusaen.

Rubi ti usarekto a pangbangon kadagiti torrem. Agraniag a kas apuy dagiti batbato nga aramatek kadagiti ruanganmo. Napateg a batbato ti pangbangonko kadagiti bakudmo!