Popular Bible Verses from Isaias 12

Share

Ti Dios ti mangisalakan kaniak, agtalekak kenkuana ket awan pagbutngak. Ti APO ti mangted iti bileg ken pigsak, wen, isu ti mangisalakan kaniak.

Kas iti mawaw a siraragsak a mangtako iti danum, kasta met dagiti tattao ti Dios no isalakanna ida.”

Kantaanyo ti APO, gapu kadagiti naindaklan nga inaramidna. Iti entero a lubong, ipadamagyo ti natan-ok a gapuananna.

Dumtengto ti aldaw nga ikanta dagiti tattao: “Agyamankayo iti APO! Agpatulongkayo kenkuana! Ibagayo kadagiti amin a nasion ti inaramidna! Ipakaammoyo kadakuada ti kinatan-okna!

Dumtengto ti aldaw nga ikanta ti tunggal tao: “Idaydayawka, O APO; nupay nakapungtotka kaniak bimmaaw ti pungtotmo ket ita, liwliwaennak.

Agpukkaw ken agkanta koma dagiti amin nga agnaed iti Sion! Naindaklan ti Nasantoan a Dios ti Israel, ket agnaed iti sidong dagiti tattaona.”