Popular Bible Verses from Isaias 11

Share

Ti Espiritu ni Yahweh ti mangted kenkuana iti kinasirib, pannakaammo ken kabaelan a mangituray kadagiti tattaona. Maammoannanto ti pagayatan ni Yahweh ket agbuteng kenkuana ken maragsakanto iti panagserbina. Saanna nga ibatay ti panangukomna iti makita wenno mangngegna.

Addanto saringit a tumaud iti puon ni Jesse. Manipud iti ramutna, addanto sanga nga agbunga.

Nalintegto ti panangukomna kadagiti napanglaw; salaknibannanto ti kalintegan ti awan gawayna. Agbilinto ket madusa ti daga; matayto dagiti managdakdakes a tattao.

Iturayannanto dagiti tattaona iti kinalinteg ken kinatakneng.

Idiay Sion a nasagradoan a bantay ti Dios, awanto ti agdangran wenno agdadael. Kas iti panagsaknap ti danum iti baybay, agsaknapto iti daga ti pannakaammo ken ni Yahweh.

Aglalangento a sikakappia dagiti lobo ken dagiti karnero. Agkakaiddanto dagiti leopardo ken dagiti urbon a kalding. Dagiti urbon a baka ken urbon a leon agkakapangandanto, ket babassitto nga ubbing ti mangaywan kadakuada.

Iti dayta nga aldaw, maibayogto ti ramut ni Jesse ket maibilangto a pagilasinan dagiti nasion. Aguummongdanto iti naarian a siudadna ket ipaaydanto ti pammadayaw kenkuana.