Popular Bible Verses from Exodo 23

Share

No agdaydayawkayo kaniak, ni Yahweh a Diosyo, ikkankayo iti makan ken danum ken ilisikayo kadagiti amin a kita ti sakit. Iti dagayo, awanto ti babai a maalisan ket awanto met ti lupes. Ikkankayto iti atiddog a biag.

“Ibaonko ti maysa nga anghel nga umun-una ngem dakayo tapno salaknibannakayo iti panagdaliasatyo ken ipannakayo iti lugar nga insaganak.

Ngem no ipangagyo ket aramidenyo ti amin nga ibagak, gubatek dagiti amin a kabusoryo.

Diyo suroten ti kaaduan no agaramidda iti dakes wenno agulbodda tapno dadaelenda ti hustisia. Ngem diyo ipakita nga ayonanyo ti napanglaw bayat ti pannakaidarumna.

“Dikay agiwaras iti sao nga awan kinapudnona. Dikay tulongan ti tao a nagbasol babaen iti panagsaksiyo iti ulbod.