Popular Bible Verses from Taga-Efeso 5

Share

Gapu ta dakayo ti annak a patpatgen ti Dios, masapul a tumuladkayo kenkuana. Ti koma ayat ti mangiturong iti panagbiagyo, kas iti ayat nga impaay ni Cristo kadatayo babaen iti pannangtedna iti biagna gapu kadatayo, kas nabanglo a sagut ken daton a makaparagsak iti Dios.

Ngarud, annadanyo ti panagbiagyo. Dikay agbiag a kas nakuneng a tattao, no di ket kas mamasirib. Usarenyo ti amin a gundawayyo nga agaramid iti naimbag agsipud ta dakes dagitoy nga aldaw.

Dikay agbarbartek ta isut' pakadadaelanyo. Ikagumaanyo koma ketdi nga agtaeng kadakayo ti Espiritu. Iti panagsasaritayo, usarenyo dagiti balikas dagiti salmo, himno ken naespirituan a kankanta. Kantaanyo ti Apo kadagiti himno ken salmo a buyogan ti naimpusoan a panagdaydayaw. Kanayon nga agyamankayo iti Dios Ama gapu kadagiti amin a banag, iti nagan ni Apotayo a Jesu-Cristo.

Dikay ngarud agkunkuneng. Ammoenyo ketdi ti kayat ti Apo nga aramidenyo.

Lallaki, ayatenyo dagiti assawayo a kas iti panagayat ni Cristo iti iglesia. Indatonna ti biagna gapu kenkuana.

Addakay idi iti sipnget, ngem gapu ta nagbalinkayon a tattao ti Apo, addakayon iti lawag. Isut' gapuna a masapul nga agbiagkayo a kas tattao a naruam nga agtaeng iti lawag.

Paiturayankay iti maysa ken maysa kas pakakitaan iti panagraemyo ken ni Cristo.

Babbai, paiturayankayo kadagiti assawayo, kas iti panangituray ti Apo kadakayo.

Mayaplikar met daytoy kadakayo. Masapul nga ayaten ti tunggal lalaki ti asawana a kas iti bagina. Masapul met a raemen ti tunggal babai ti asawana.

Kas kuna ti Nasantoan a Surat, “Daytoy ti gapuna a panawanto ti lalaki dagiti nagannak kenkuana. Makitiponto iti asawana ket agbalindanto a maymaysa.”

Adaywanyo dagiti tattao nga agaramid kadagiti awan serserbina a banag nga agtaud iti sipnget. Ibutaktakyo ketdi ida. (