Popular Bible Verses from Taga-Efeso 2

Share

Datayo ti aramid ti Dios, ket iti pannakikaysatayo ken ni Cristo Jesus, pinarsuanatayo nga agaramid iti naimbag bayat ti panagbiagtayo nga intudingna idi.

Ta gapu iti parabur ti Dios, naisalakantayo babaen iti pammati. Saanyo nga insalakan ti bagiyo gapu iti inaramidyo. Insagut kadakayo ti Dios ti pannakaisalakanyo tapno awan ti mangipasindayag iti daytoy.

Ngem dakkel ti panangngaasi ti Dios ket ay-ayatennatayo la unay, isu nga uray nataytayo iti espiritu gapu iti kinasukirtayo, pinagbiagnatayo a mairaman ken Cristo. Insalakannakayo ti Dios gapu iti paraburna.

Iti pannakikaysatayo ken Cristo Jesus, pinagungarnatay iti naespirituan a biag tapno makipagturaytayo kenkuana sadi langit.

Ngarud, saankayon a ganggannaet wenno sangsangaili. Agkakailiankayon kadagiti tattao ti Dios. Kamkamengkayon iti familia ti Dios. Nabangonkayo met iti rabaw ti fondasion nga impasdek dagiti apostoles ken dagiti profeta, ket ni Cristo a mismo ti kangrunaan a pasuli.