Popular Bible Verses from Eclesiastes 5

Share

Panunotem nga umuna ti isaom ket dika agdarasudos nga agkari iti Dios. Adda ti Dios sadi langit ket addaka ditoy daga; isut' gapuna a dimo lablabsen ti panagsaom.

No paraburan ti Dios ti maysa a tao iti kinabaknang ken sanikua ket ipalubosna a lak-amenna dagitoy, rumbeng nga agyaman ket lak-amenna ti nagbannoganna. Sagut ti Dios daytoy.

No naagumka iti kuarta, awanto ti pannakapnekmo. No tarigagayam ti bumaknang, dimo maala amin a kayatmo. Awan serserbina.

Agannadka no mapanka iti balay ti Dios. Inka sadiay tapno agsursuroka. Nasaysayaat dayta ngem ti agidatonka iti sakrifisio a kas kadagiti maag a di makailasin iti naimbag ken dakes.

Ngarud, no adda ikarim iti Dios, dagdagusem a tungpalen. Saan a masapul ti Dios ti maysa a maag. Tungpalem ti inkarim nga aramiden.

Dika la agkarkarin no dimo met tungpalen.

Mabalin nga adda wenno saan nga umanay ti taraon ti trabahador, ngem naimas ti turogna iti agpatnag. Ngem saan a makaturog ti baknang gapu iti panangpampanunotna iti adu a sanikuana.

Awan intugottayo idi naipasngaytayo ditoy lubong ket awanto met maitugottayo inton mataytayo. Wen, lamolamotayonto a pumanaw nga awan maitugottayo kadagiti nagbannogantayo.