Popular Bible Verses from Eclesiastes 4

Share

Naim-imbag ti dua ngem ti maymaysa, agsipud ta no duada nasaysayaat ti trabahoda. No matuang ti maysa, mabalin a bataken ti kaduana. Ngem no agmaymaysa ti tao ket matuang, daksanggasat laeng ta awan tumulong kenkuana.

Mabalin a parmeken ti dua a tao dagiti mangraut kadakuada, ngem no maymaysaka awan ti gawaymo. Narigat a pugsaten ti tinallo a tali.

No nalam-ek, mabalin a maturog nga agkaidda ti dua a tao ket mapapudot ti tunggal maysa, ngem kasano a pumudotka no maymaysaka?

Mabalin a kasta, ngem nasaysayaat ti sangkabassit nga adda natalna a pakinakem ngem ti trabaho a trabaho a kasmo la kamkamaten ti angin.

Natakuatak met no apay nga igaed dagiti tattao ti agtrabaho tapno agballigida: gapu ta apalanda dagiti sanikua dagiti kaarrubada. Ngem awan ti serserbina. Mayarig iti panangkamkamat iti angin.

Nalabit nga agbalin nga ari ti maysa a napanglaw wenno maisaad iti trono ti maysa a naggapu iti pagbaludan, ngem inton lumakay, no maag la unay a dina kayat ti pabagbagaan, saan a nasaysayaat ngem ti agtutubo a napanglaw ngem masirib.