Popular Bible Verses from Deuteronomio 6

Share

Ayatenyo ti APO a Diosyo iti amin a pusoyo, iti amin a kararuayo, ken iti amin a pigsayo.

Isuroyo dagitoy kadagiti annakyo. Saritaenyo ida no addakayo iti taengyo wenno addakayo iti kalsada, no inkay maturog ken no bumangonkayo iti bigat.

Diyo lipaten dagitoy a bilin nga itedko kadakayo ita nga aldaw.

“Tattao ti Israel, laglagipenyo daytoy! Ti APO a Diostayo ket isu laeng ti APO.

Igalutyo ida kadagiti takkiagyo a kas pagilasinan ken ikabilyo ida kadagiti mugingyo kas marka.

Isuratyo ida kadagiti baotek ti balayyo ken kadagiti ruanganyo.”

Agbutengkayo iti APO a Diosyo! Agdaydayawkayo kenkuana ket ti laeng naganna ti aramatenyo no agkarikayo.

“Kas inkari ti APO a Diosyo kadagiti kapuonanyo, da Abraham, Isaac ken Jacob, ikkannakayo iti daga nga addaan iti dadakkel ken narang-ay a siudad a dikay binangon. Mapnonto dagiti balay iti agkakaimbag a bambanag a diyo nagrigatan. Addanto dagiti bubon a diyo nagkali ken kaubasan ken kaoliboan a namulaanen. Inton yegnakayo ti APO iti daytoy a daga ket adda amin a kayatyo a kanen, ikagumaanyo a diyo lipaten ti APO a nangiruar kadakayo idiay Egipto a nakatagabuanyo.

“Dagitoy dagiti bilin ken linteg nga intuyang kadakayo ti APO a Diosyo. Masapul a sursuroen ken tungpalenyo dagitoy iti daga a dandaniyon serken ken tagikuaen. Bayat ti panagbiagyo, masapul nga agbutengkayo iti APO a Diosyo ket tungpalenyo dagiti amin a lintegna nga itedko kadakayo tapno napautto ti panagbiagyo sadiay.

Aramidenyo ti nalinteg ken naimbag iti imatang ti APO tapno rumang-aykayo ken matagikuayo ti nadam-eg a daga nga inkari ti APO kadagiti kapuonanyo.

No agrukbabkayo kadagiti didiosen, agdissuorto ti pungtot ti APO ket kaslanto apuy a mangibus kadakayo. Ngamin, naimon ti APO a Diosyo; dina ipalubos nga adda kasalisalna.

Dikay agrukbab kadagiti sabali a didiosen, iti uray ania a didiosen dagiti tattao iti likmutyo.

“Diyo suoten ti APO a Diosyo a kas iti inaramidyo idiay Massa.