Popular Bible Verses from Deuteronomio 5

Share

“‘Raemenyo dagiti nagannak kadakayo tapno nasayaatto ti kasasaadyo ken napautto ti panagbiagyo iti daga nga itedko kadakayo. Siak, ni Yahweh a Diosyo, ibilinko nga aramidenyo daytoy.

Tungpalenyo amin ida tapno narang-aykayto ket atiddogto ti biagyo iti daga nga inkay tagikuaen.”

Dikay agrukbab wenno agdaydayaw iti uray ania nga imahen, ta siak ti APO a Diosyo ket diak ipalubos nga adda kasalisalko. Dusaek dagiti gumura kaniak, kasta met kadagiti annakda, appokoda ken appokoda-iti-tumeng. Ngem ipariknak ti ayatko kadagiti rinibribu a kaputotan kadagiti agayat kaniak ken agtulnog kadagiti lintegko.

“‘Dikay agaramid iti imahen wenno kaasping ti uray ania nga adda sadi langit wenno ditoy daga wenno iti danum iti uneg ti daga a pagdaydayawanyo.

“‘Dikay agdaydayaw iti sabali a dios; siak laeng ti pagdaydayawanyo.

“‘Diyo aramaten ti naganko iti dakes a panggep gapu ta siak, ni Yahweh a Diosyo, dusaek ti siasinoman a mangusar iti naganko iti barengbareng.

No kasta la koma a kanayon ti panagpampanunotda! Kanayon la koma nga agbutengda kaniak ken agtulnogda kadagiti amin a bilinko tapno nasayaatto latta ti kasasaadda ken dagiti kaputotanda.

“‘Ngilinenyo ti Aldaw a Panaginana ket pagbalinenyo a nasantoan a kas imbilinko kadakayo—siak ni Yahweh a Diosyo.

“‘Diyo tarigagayan ti asawa ti padayo a tao. Diyo tarigagayan a tagikuaen ti balayna, ti dagana, dagiti tagabuna, dagiti bakana, dagiti asnona wenno uray ania a kukuana.’

“‘Dikay makikamalala.

“‘Dikay agsaksi iti ulbod a maibusor iti padayo a tao.

“‘Dikay mamapatay.

“‘Dikay agtakaw.

Laglagipenyo a tagabukayo met idi idiay Egipto ket siak, ni Yahweh a Diosyo, inispalkayo babaen iti naindaklan a pannakabalin ken bilegko. Ngarud, ibilinko kadakayo a ngilinenyo ti Aldaw a Panaginana.

Innem nga aldaw nga agtrabahokayo ngem maidaton kaniak ti maikapito nga aldaw. Panaginana dayta nga aldaw, ket awan ti mapalubosan nga agtrabaho—dakayo, dagiti annakyo, dagiti tagabuyo, dagiti animalyo wenno dagiti ganggannaet nga agnaed iti pagilianyo. Masapul nga aginana met a kas kadakayo dagiti tagabuyo.

‘Siak ni Yahweh a Diosyo a nangiruar kadakayo idiay Egipto, ti daga a nakatagabuanyo.