Popular Bible Verses from Deuteronomio 11

Share

Isuroyo ida kadagiti annakyo. Lagipenyo ida no addakay iti taengyo wenno addakayo iti trabaho, no maturogkayo ken no bumangonkay iti bigat.

“Imulayo dagitoy a bilin kadagiti puso ken panunotyo. Igalutyo kadagiti takkiagyo ken ikabilyo kadagiti mugingyo a kas palagip.

“No pudno a tungpalenyo dagiti imbilinko kadakayo ita nga aldaw; no ayatenyo ti APO a Diosyo ken agserbikayo kenkuana iti amin a puso ken kararuayo, yegnanto ti tudo iti dagayo iti tiempo a pannakasapulna ket nabuslonto ti apityo a trigo, arak ken lana ti olibo.

Kinuna ni Moises, “Ayatenyo ngarud ti APO a Diosyo ket kanayon a tungpalenyo dagiti bilin, annuroten ken lintegna.

“Ita nga aldaw, agpilikayo iti kayatyo: bendision wenno lunod. Mabendisionankayo no tungpalenyo dagiti bilin ti APO a Diosyo; ita nga aldaw, itedko kadakayo ti bendision. Ngem mailunodkayo no diyo ipangag dagitoy a bilin ket sumiasikayo tapno agdayawkayo kadagiti didiosen a diyo pay nagdaydayawan.

Isuratyo ida kadagiti baotek ti balayyo ken kadagiti ruangan dagiti bakudyo. No aramidenyo dayta, napautto ti panagbiagyo ken dagiti annakyo iti daga nga inkari ti APO a Diosyo nga ited kadagidi kapuonanyo.

ngem agannadkayo amangan no maallilawkayo ket paglikudanyo ti APO tapno agdaydayaw ken agserbikayo kadagiti didiosen.