Popular Bible Verses from Deuteronomio 10

Share

“Ita, tattao ti Israel, denggenyo no ania ti ipaaramid kadakayo ti APO a Diosyo. Agbutengkayo iti APO ken aramidenyo amin a bilinna. Ayatenyo, agserbikayo kenkuana iti amin a pusoyo, ken tungpalenyo dagiti amin a lintegna. Itedko dagitoy ita nga aldaw nga agpaay iti pagimbaganyo.

Natantan-ok ti APO a Diosyo ngem ti amin a didiosen ken pannakabalin. Naindaklan ken mannakabalin ket rumbeng nga isu ti pagbutngan. Awan ti idumdumana ket saan nga umawat iti pasuksok.

Manipud ita, agtulnogkayo iti APO ket ikkatenyon ti kinasukiryo.

Ikalinteganna dagiti ulila ken balo a babbai; ipatpategna dagiti ganggannaet ket ikkanna ida iti taraon ken kawes.

Idaydayawyo—isu ti Diosyo ket mismo a nakitayon dagiti naindaklan ken nakaskasdaaw a banag nga impaayna kadakayo.

Agbutengkayo iti APO a Diosyo ket isu laeng ti pagdaydayawanyo. Agtalinaedkayo a napudno kenkuana ket agkarikayo iti naganna.

Kukua ti APO uray ti kangatoan a tangatang, kasta met ti daga ken amin a linaonna.

Masapul nga ayatenyo met ti ganggannaet iti sidongyo ta ganggannaetkayo met idi idiay Egipto.