Popular Bible Verses from 2 Ar-ari 6

Share

Ket inkararagna, “O APO, luktam ti mata ti babaonek tapno makakita.” Impangag ti APO ti dawatna ket nakita ti adipen a nasaknapan ti bakras ti turod kadagiti kabalio ken umap-apuy a lugan a pakigubat a nanglikmut ken ni Eliseo.

“Dika agbuteng, gapu ta ad-adutayo ngem isuda,” kinuna ni Eliseo.

Kabigatanna, nasapa a nakariing ti adipen ni Eliseo. Idi rimmuar iti balay, nakitana ti armada ti Siria agraman dagiti kabalio ken dagiti lugan a pakigubat iti lawlaw ti ili. Napan ken ni Eliseo ket kinunana, “Mataytayon, apo! Ania ti aramidentayo?”

Idi dumarup dagiti Siriano, inkararag ni Eliseo: “O APO, pagbulsekem koma dagitoy a tattao!” Impangag ni Yahweh ti kararagna ket nagbulsek dagiti lallaki.

“Nakatnaganna?” sinaludsod ni Eliseo. Intudo ti lalaki ti nakatnagan ti wasay. Nangputed ni Eliseo iti bassit a sanga sana impurruak iti danum. Timpaw ti ulo ti wasay.

Idi agpukpukan ti maysa kadakuada, pagammoan la ta nasukto ti ulo ti wasay ket natnag iti karayan. “Ania ti aramidek, apo?” kinunana ken ni Eliseo. “Binulodko ti wasay!”

“Alaem,” imbilinna ket ginaw-at ti lalaki ti ulo ti wasay.