Popular Bible Verses from 2 Ar-ari 5

Share

Iti imatang ti ari ti Siria, natan-ok ni Naaman a pangulo ti armada ti Siria. Raraemenna unay agsipud ta gapu kenkuana, pinagballigi ni Yahweh ti armada ti Siria. Maingel a lalaki ni Naaman, ngem agkukutel.

Nangibaon ni Eliseo iti adipen a mangibaga ken ni Naaman a mapan bumatok iti mamimpito iti Karayan Jordan tapno naan-anayto nga umimbag ti sakitna.

Iti kasta, napan ni Naaman iti Jordan, bimmatok iti namimpito kas imbaga ni Eliseo, ket naan-anay a naimbagan ti kukutelna. Simmalun-at ti kudilna a kas iti kudil ti maysa nga ubing.

Ngem kasta unay ti pungtot ni Naaman a pimmanaw ket kinunana, “Impagarupko nga umaynak sabten, agkararag iti APO a Diosna, aplawanna ti batog ti saksakiten ket maimbagan ti kukutel!

Immasideg dagiti adipenna ket kinunada, “Apo, di met aya aramidem ti aniaman nga ipaaramid kenka ti profeta uray narigat? Ita, naglaka a banag ti ibagbagana. Dika pay la mapan bumatok tapno maimbaganka?”

Iti maysa nga aldaw, kinuna ti balasitang iti apona, “Makapan la koma ni apok a Naaman iti profeta nga agnaed idiay Samaria. Mapaimbagna ti sakitna.”