Popular Bible Verses from Salmos 89

Share

Ba neza zrente̱ naca na chee̱ benne' ca' dxelul-le̱' da dxue lá'ana na Lue', ne zaj zue̱' lu xel-la naxaní' chiu', Xran.

Lu da xrlátaje, ne lu da li lazre' dxenná be'u. Lu xel-la zri'i lazre', ne lu da li lazre' zaj zua ca da dxunu'.

Tu gúl-lazqueza' chee̱ xel-la' zri'i lazre' chiu', Xran. Guzenda' tu cuen tu cuen zri'ine zre súantu' nacu' li lazre'.

Xran, nacu' Dios chee̱ benne' zante̱, benne' zaj zra' xabáa. Quebe nu zua, benne' naque̱' ca Lue', Xran. Nacu' Benne' wál-late̱, ne tu nácazquezu' li lazre'.