Popular Bible Verses from Salmos 143

Share

Bse̱de neda' chee̱ guna' da dxaca lazru' Lue', lawe' da nacu' Lue' Dios chia'. Gusel-la Be' xrlátaje chiu' chee̱ che̱'e̱ neda' la neza chawe' chiu'.

Che zílala be̱n cheajsá lazra' dxexache lazru' bénneache chiu' ca' lawe' da dxuxrén lázrequeza' Lue'. Bzéajni'i neda' ca dxal-la' guna' lawe' da dxezá lazra' guna' da dxaca lazru' Lue'.

Xrana' Dios, bselá neda' lu na' benne' ca' dxeledábague̱' neda' lawe' da dxuzúa cuina' lu na'u chee̱ guxúequezu' neda'.

Chee̱ gaca bea na nacu' xrlátaje, Xran, gutipu' lazra'. Lawe' da nacu' xrlátaje, guseláu' neda' lu da dxaca chia'.

Xrana' Dios, bene da dxuchálaja' lau Lue'. Bze̱ naga da dxenaba' lau'. Gudá gácale̱nu' neda' lawe' da nacu' li lazre', ne xrlátaje.

Gudázega gácale̱nu' neda', Xran, lawe' da dxedú lazra'. Quebe chenu' gácale̱nu' neda', chee̱ quebe gaca' ca tu benne' ba xu'e̱ xe̱dxu ba.

Dxeajsá lazra' ca guca nédxudaute̱. Dxulaba lazra' ca naca xúgute̱ da be̱nu'. Dxeajsá lazra' ca naca da zrente̱ ca' da be̱nu'.