Popular Bible Verses from 1 JUAN 4

Share

Jo 'goo'²¹o tsá² mo 'iin²¹²in la jai'² Dios coon'¹³ tsá². Mo 'iin²¹²in tsá² Dios coon'¹³ tsá² xeei'²¹ la jai'² jo cwoo¹i li'goo'²¹o. Tsʉ mo jmoo¹o tsá² 'goo'²¹o ní³ tsá² wúu¹ coon'¹³ 'e jmoo¹o 'goo'²¹o. Joon 'in jmoo¹o 'goo'²¹o jo mo gaun'yee²¹i 'e 'iin²¹²in Dios la jai'².

Yʉʉn²¹ tyiia, lɨ́ɨ¹naa' jóon¹ Dios joon galɨɨ'²oo' 'in tajuui²¹ do tsʉ 'in feei'¹gɨ 'in cwo'¹ 'naa' pí³ lagɨ 'in cwo'¹ pí³ 'in catyaai²¹ do xʉfiin'¹³ tyʉ'² 'ido to² juncwii²¹.

Jna'o' 'iin²¹²mo' Dios coon'¹³ tsá² tsʉ 'wii'¹³ nigali'iin²¹²mo Dios jna' jéei¹gɨ.

Tsaru'¹u' 'in 'iin²¹²na, cwoli'iin²¹²mo' la jaain²¹ la jaan²¹na'. Dios jmaa¹a 'ii'²¹ 'e li'iin²¹²na' la jaain²¹ la jaan²¹na'. Joon jileei'²¹ 'in 'iin²¹²in Dios joon 'iin²¹²mo jon tsá² lɨ́ɨ¹mo jóon¹ Dios joon cwii¹mo Dios.

'In jo 'iin²¹²in Dios la joon jon jo 'iin²¹² tsá² jon'gɨ Dios mo licwii¹in tsá² tsʉ jilaa'²¹ 'e jmoo¹o Dios Jmii²¹ 'e 'e'²e tsá² 'e 'iin²¹²mo Dios Jmii²¹ tsá².

Gali'iin²¹²mo Dios Jmii²¹ jilaa'²¹ 'e gajmaa¹a. Joon gasii¹in Jóon¹on fu juncwii²¹ lawa coon²¹ fa'¹ 'e jatyíi¹i jilaa'²¹ tsaa² tyi' 'e jo jmaa¹gɨ Dios Jmii²¹ 'nii'²¹‑tsi tyi'. Gajmaa¹ Dios Jmii²¹ la joon 'wii'¹³ 'iin²¹²mo jna' jon' wa'a jna' 'ná¹ 'e li'iin²¹²na' 'ii.

Tsaru'¹u' 'in 'iin²¹²na, wana nagali'iin²¹² Dios jna' la joon jon jna' 'ná¹‑a li 'iin²¹²mo' tsaru'¹u'.

Jaan²¹mo Jóon¹ Dios 'in seein²¹ joon gasii¹in Dios 'i fu juncwii²¹ 'e 'wii²¹² 'ii lí² cwo'¹ jna' coon²¹ juncwii²¹ 'múui². Coon'¹³ la joon ga'e'²e Dios jna' xiiala 'iin²¹²in jna'.

Wana jin'² tsá²: “'Iin²¹²moo Dios”, pe joon 'ee'¹mo ruu'²¹i, tajuu²¹mo 'ii. Tsʉ jo ñí³ii xiiala cwoí¹ 'e jin'²in 'e 'iin²¹²in Dios 'in jo mo nii¹i pe 'ee'¹mo ruu'²¹i 'in niganí².

Joon doñi'iin ijin'² 'e Jesús lɨ́ɨ¹i Jóon¹ Dios Jmii²¹ ngɨɨ¹ Dios caain²¹ coon'¹³ 'i la joon jon ngɨ¹ 'ii caain²¹ coon'¹³ Dios.

Dios nigatyʉ'²ʉ jna' to²: Jilee'²¹ 'in 'iin²¹² Dios 'ná¹‑a jon 'iin²¹²in ruu'²¹i.

Tsaru'¹u' 'in 'iin²¹²na, jo jai'² cwolíin²¹naa' jileei'²¹ 'in jin'² 'e faa'²¹o cwáain¹ tya' Dios. Cóon²oon' cwáain¹ coon'¹³ ce tún² 'ee 'e faa'²¹a 'ido. Nuu²uu' wana faa'²¹a cwáain¹ tya' Dios owa jo faa'²¹a 'ee. Rǿø²mo cwoo'¹³ juncwii²¹ coon'¹³ 'in tsá² tajuui²¹ 'in jin'²in 'e faa'²¹o cwáain¹ tya' Dios pe jo jo'². Pe 'naa' cwii¹moo' 'in Espíritu Tyʉ́² tya' Dios. Joon jilee'²¹ 'in jin'² 'e Jesucristo najó³ lɨ́ɨ¹i tsá² faa'²¹o 'ii'²¹ tya' Espíritu Tyʉ́² tya' Dios.

Joon jilee'²¹ 'in jin'² 'e jo mo jó¹ Jesucristo 'e lɨ́ɨ¹i tsá² jo faa'²¹a 'ii'²¹ tya' Dios. Joon 'in jin'² la joon 'ee'¹mo Jesucristo. Joon 'in tsá² 'in jin'² la joon seen²mo fu juncwii²¹ nano jiin'¹³ la nanúu²uu' ijalíin².