Popular Bible Verses from ÉFÉSUS 4

Share

Maik méu kali poro réncéng koém cama taus, penong ali momang agu ampong cama taus, ného Mori Keraéng poli ampong méun le létang laing hi Yésus Kristus.

Nahé méu kali paka jinggop agu lembak. Toto kali momangs hitu oné campé tau

Néka manga curup da’at, maik curup di’a kali latang te pandé téti éta mosé disét séngétn, wiga isé tiba widangs.

Pandé mora kéta taung sanggéd beti nai, mek agu rabo, léwang agu loér tau, pocu tau ko sanggéd ba weki ata da’atd.

Émé rabo méu, néka landing le hitu pa’um oné ndékok: néka tédéng leson kéta rabo boto manga sokorn jing da’at te kapang méu.

Landing hitu, okés gauk agu ba weki de méu ata laséng olo main, ai sanggéd situ pandé rowak agu wéléng méu. Nahé nais agu nuks, célung te ciri weru taung. Nahé méu kali mosé ného manusia weru ata poli dédék lorong baté ngoéng de Mori Keraéng, ngong gauk molor, nggeluk agu toé mbéko-mbakot.

agu mping koém te mosé hambor agu te nai ca anggit ata poli widang le Nai Nggeluk, kudut manga tédéng kin oné méu.

Hia ata widang sanggéd nabit oné manusia: manga ata téti Liha te ciri rasuls, ata iwod ciri nabis, ata iwod ciri ata wéwad Keréba Di’a hitu, agu ata iwod kolé téti ciri gurus te titong weki serani. Pandé so’o Diha kudut jemut taung widang weki serani te gori keturu latangt Mori Keraéng agu te pandé téti étan weki di Kristus. Ali hitu, sanggéd taung ité ciri ca anggit kali oné ca imbi, agu baé pa’éln latang te Anak de Mori Keraéng. Ité ciri bisat, ata tambang cuku tambang besikd ného hi Kristus.

Ité toé ciri ného anak koé kolét, hitut lingu-langu le bombang toing disét joak, ai toing disé situt penong joak pandé wéléng ata. Maik céwé di’an, ali mberes cau molor oné momang, beka kéta besik dité oné Hia, ngong hi Kristus ata ciri Tu’a laing dité.