Popular Bible Verses from ÉFÉSUS 2

Share

Ité ho’o ata dédék de Mori Keraéng ai nai ca anggit hi Kristus Yésus kudut pandé sanggéd gori di’a, ata bolon polig ambin le Mori Keraéng. Ngoéng Diha kudut ité selamak moséd.

Woko méu imbi oné hi Yésus Kristus, itu tara momang agu pandé selamaks méu le Mori Keraéng. Selamak de méu hitu toé cir landing le réboks, maik ali widang de Mori Keraéng, wiga néka manga ata mésé nai landing le hitu.

Maik ali mésén lembak de Mori Keraéng, Hia momang tu’ung ité wiga du rémé mata naid landing le sanggéd lagéng, Hia pandé mosé kolét ité cama-cama agu hi Kristus. Jari, tara selamaks méu, landing le nai di’a de Mori Keraéng.

Woko ité poli nai ca anggit agu hi Kristus Yésus, Mori Keraéng pandé mosé kolét ité cama-cama agu hi Kristus kudut perenta cama oné Surga.

Nenggitu dé, méu toég kolé rékéng ného ata long ko ata mai pé’ang-mai, maik cama-cama ciri ro’éng de Mori Keraéng. Méu poli hesé bétan ligéng ata tena le sanggéd rasul agu le sanggéd nabi, agu hi Kristus Yésus dé ciri watu menggin.