Popular Bible Verses from 2 KORINTUS 5

Share

Jari, céi ata manga oné hi Kristus, hia ata dédék weru: Hiat mangan laun ga, agu hitut weru polig cain.

Hi Kristus ata toé hena le ndékoky, maik Mori Keraéng poli pandé Hia hena le ndékoky landing ité, kudut oné Hiat ité hambort le Mori Keraéng.

Mosé dami ho’o, mosé landing le imbi, toé landing apa ata ita le mata.

Sanggéd taung so’o oné mai Mori Keraéng ata le tongka di Kristus poli hambor ité agu Hia agu poli imbin gori keturu latang te hambor hitu oné ami. Ai oné hi Kristus, Mori Keraéng pandé hambor lino agu weki run Hia, agu toé manga bilangd lagé disé agu Hia poli imbi keréba pandé hambor hitu oné ami.

Jari, ami ho’o ata wuat li Kristus, néhot Mori Keraéng toing méu lut ami. Le ngasang di Kristus ami tegi oné méu: Téi koé wekis te hambor agu Mori Keraéng.

Hi Kristus poli matan latang te sanggén ata, kudut isét mosé, toég mosé latang te weki rud kanang, maik latang te Hia hitut poli matan agu poli to’o kolén latang te isé. Landing hitu, ami kolé toé wolo belar de cengata lorong wolo de manusia. Émé ami poli dé’it wolo belar hi Kristus lorong wolo de manusia, te ho'on ami toé kolé wolo belar nenggitu kamping Hia.

Ai momang di Kristus kuasa amiy, ai ami poli ita salangn, émé cengata poli matan latang te sanggén ata, ngong sanggéd isé situ polig matad.