Popular Bible Verses from 2 KORINTUS 4

Share

Ai ami toé pinga situt ita le mata, maik situt toé itad, ai situt ita le mata latang te dokong kaut, maik situt toé itad te mosé tédéng lén.

Landing hitu ami toé simpungkm, koném po weki dami ho’o oné-oné eresn, maik du’ang dami pandé weruy lété leso. Ai kélo géal ho’o ga, te cir latang te ami mengit tédéng lén ata labi oné mai sanggén cao-ca, céwé mésé oné mai kélo dami.

Nia mai kaut ami hena le rempékm, maik toé gempérkm; ami mora taung nawagm, maik toé dopo nukgm, ami hena le wahéng, maik toé legong hanang koégm, ami péncar latakm, maik toé ampuskm.

Maik paéng Surga ho’o manga oné amiy ho’ot ného ketimbo tana liling. Wiga si’ang tu’ung mberes hitut mésé kétay oné mai Mori Keraéngn, toé oné mai weki damin.

Ngong sanggéd isét toé imbi, ata tadu taung nukd ali dewa da’at de uwa ho’o, wiga isé toé ita néra de Keréba Di’a latang te mengit di Kristus hitut gambar de Mori Keraéng.

Ai Mori Keraéng hitut poli curup, “Oné mai nendep te par gérak!” Hia kolé ata widang gérak’N oné nai dité. Wiga nuk dité ita betuan mengit de Mori Keraéng hitut néra oné ranga di Kristus.