Popular Bible Verses from Songs 97

Share

You guys dat get love an aloha Fo Da One In Charge, Good, you stay hate Da bad tings peopo do, Cuz Da One In Charge take kea Da ones dat stay tight wit him. He get um outa trouble Wen da bad guys come afta dem.

All you peopo dat do wass right erytime, You can stay good inside Cuz a wat Da One In Charge stay do! Go tell dat he da greates, Cuz he stay good an spesho!

God do good tings Fo da peopo dat get um right wit him, God make um shine bright. Da peopo dat do wass right, God make um stay real good inside.

Cuz you, Da One In Charge, You da mos importan one In da whole world! Erybody know, you mo importan Den all da odda gods!