Popular Bible Verses from Songs 96

Share

Cuz Da One In Charge, he big! Good fo erybody tell Good tings bout him! You gotta get respeck fo him, Mo den fo all da odda gods!

Sing fo Da One In Charge! Tell how he da kine God Dat give you da powa fo do Eryting he like you fo do! Ery day, tell da good stuff Bout how he get you outa trouble!

Sing one new song fo Da One In Charge! Erybody inside da world, Sing fo Da One In Charge!

Wen you stay wit da diffren nations Tell da story bout How awesome Da One In Charge stay! Wen you stay wit all da diffren peopos, Tell how da tings he do Blow yoa mind!

Wen Da One In Charge let you see How good an spesho he stay, Go down in front him Fo show love an respeck! You peopos from all ova da world, Goin come sked an shaking in front him!