Popular Bible Verses from Songs 67

Share

Eh God! I like fo you ack Real good to us guys, An do good tings fo us guys, An smile an show You stay good inside cuz a us. (Time out fo da music.)

I like fo God stay do good tings fo us. In da mos far parts a da world, I like fo peopo feel sked an shaking Wen dey in front him!

I like fo da diffren peopos Stay real good inside An sing cuz dey feel Good inside bout you, Cuz wen you judge da diffren peopos, You no make diffren kine To diffren peopo. Dass how you show da nations All ova da world how fo live. (Time out fo da music.)