Popular Bible Verses from Songs 66

Share

Even if I wen like do someting Ony litto bit bad, My Boss no goin lissen me.

I like tell God “Mahalo!” Cuz he wen do good tings fo me. He neva make deaf ear wen I pray, He erytime stay tight wit me Cuz I his guy.

Tell God: “Skery, Da awesome tings you do! Cuz you get supa plenny powa, Even da peopo dat stay agains you Gotta tell dat you da greates, No matta dey no like talk lidat!

Yell to God, erybody all ova da world, Sing fo tell God he pono, An he da bestes! Tell um you stay good inside cuz a dat!

God, I talk lidis, Cuz you wen tes us guys, Jalike wen peopo melt silva fo make shua No mo junks inside.

All you peopo dat feel Sked an shaking in front God, Go come ova hea an lissen up! I goin tell da story Bout eryting God wen do fo me.