Popular Bible Verses from Songs 58

Share

Den peopo goin tell, “Fo shua, God do good tings Fo pay da peopo Dat stay do wass right! Fo shua, get one God dat judge Da peopo inside da world!”

Da peopo dat stay do bad kine stuff, From da time dey born Dey go da wrong way. From da time dea muddah Was hapai wit dem, Dey stay all jam up. An wen dey talk, dey bulai.

Eh you leada guys! Az true, o wat?! Wen you tell wat peopo gotta do, You suppose to tell um wass right. But you no do dat! Wen you judge da peopo, You suppose to make Same kine to erybody, But still yet you guys make Diffren kine to diffren peopo! Fo shua, inside yoa head, You tink how fo do bad kine tings. Dat make you guys ready Fo bus up peopo all ova da world.