Popular Bible Verses from Songs 57

Share

Eh God! Do good tings fo me! Do good tings! Cuz wen I aks you fo take kea a me, Den, nobody can hurt me. I like you take kea me, Jalike da muddah bird Put da bebe birds unda her wing Fo nobody hurt dem. I goin stay by you fo nobody hurt me, Till all dis stuff pau, Dat can wipe me out Jalike one storm.

You stay plenny tight wit yoa peopo Jalike get plenny sky up dea! You da kine God us guys can trus plenny, Jalike get plenny clouds inside da sky!

I yell to God fo help me, Da God Dass Mo Importan Den All Da Odda Gods, Da God dat know wat he like me fo do, An he goin make um fo me do um.

God, I like erybody know, Dat you mo big even den da sky! I like erybody on top da earth know How awesome you stay!