Popular Bible Verses from Songs 142

Share

I yell fo you fo help me, Da One In Charge. I tell, “You, da one take kea me Fo nobody hurt me. I get ony you, All da time I live inside dis world!”

Jalike I all lock up, So get me out! Den I goin tell good tings bout you Cuz I know wat kine god you. I like fo all da peopo Dat stay do wass right Come by me too, Cuz you goin do good tings fo me.

Wen I come weak inside, Still yet, you da one dat know Da way fo me go. Cuz wea I walk, Az jalike peopo hide traps dea.

I yell fo Da One In Charge help me. I talk loud wen I pray To Da One In Charge Fo give me chance.

Try lissen wen I yell fo you help me, Cuz I stay all jam up! Get me outa trouble from da peopo Dat chase afta me, Cuz dey mo strong den me.