Popular Bible Verses from Songs 119

Share

Da tings you tell, dass jalike one lamp Fo show me wea fo put my feets, Dass jalike one light Dat let me see da road.

Da tings you tell, I keep um inside me, Cuz dey real importan fo me. So den bumbye I no go do notting bad An go agains you.

Fo one young guy, How he goin make shua He no goin do notting pilau kine, All da time he stay alive? He gotta make shua he do Eryting you tell um fo do! Az how.

Get peopo dat lissen up real good Erytime Da One In Charge Tell um watch out fo someting. Dey stay try fo know him Wit one good heart. Dey da ones can stay good inside!

You, you jalike one place I can hide. You jalike one shield fo me. I stay wait fo you do Wat you wen promise fo do.

Help me fo undastan da Rules you give, So den fo shua I goin do um.

Give me one heart fo do wat you tell, An not jus fo me come rich.

Good fo me, dat you wen punish me, Fo me learn how good Da tings you tell I gotta do.

Weneva I suffa, I know still yet dat wat you tell, goin make me live fo real kine. An dis help me fo no come all bum out.

Help me fo live Da way you wen tell us guys fo live, Cuz erytime I do stuff dat way, I stay good inside.

Eh! You Da One In Charge! Teach me how fo live Da way you tell I gotta live. Den, I goin go fo broke An do wat you tell me fo do.

I come weak, Cuz I stay sad inside. Make me come strong Jalike you wen promise fo do.

Eh! I get love an aloha Fo da Rules you teach! All day, I tink bout um.