Popular Bible Verses from Songs 118

Share

Dis da day fo no foget da awesome ting Da One In Charge wen do! Az why good us guys Stay plenny good inside today!

Da One In Charge, he back me up. Az why I no need come sked notting. So wat odda peopo can do to me?! Notting!

Mo betta, I go hide by Da One In Charge, Fo him take kea me, Den trus odda peopo fo take kea me.

Befo time wen I get plenny presha, I yell fo Da One In Charge help me. He wen lissen, An he put me wea no mo presha.

Eh you guys! Tell good tings Bout Da One In Charge Cuz he good, Cuz he stay tight wit his peopo foeva!

Eh you guys! Tell good tings Bout Da One In Charge Cuz he good! Cuz he stay tight wit his peopo foeva!

Da powa I get, come from Da One In Charge. He make me strong wen I fight. He wen come da One Dat get me outa trouble.

Mo betta, I go hide by Da One In Charge Fo him take kea me, Mo den even trus da guys Dat get plenny powa fo take kea me.

Da peopo tell: “Had one big rock. Da builda guys tell, ‘Dis rock, no good!’ But afta, dass da rock dey wen put Fo da main corna block.”