Popular Bible Verses from Songs 115

Share

Eh! You Da One In Charge! No need fo somebody Tell good tings bout us guys. Mo betta, peopo tell good tings Bout wat kine god you! Cuz you da One dat do Awesome kine stuff! Cuz you stay tight wit yoa peopo, An you da kine God Dat us guys can trus.

I like fo Da One In Charge Give all you guys plenny kids, You guys, an all yoa kids too.

Eh! All you peopo dat feel Jalike you sked Wen you in front Da One In Charge! Trus Da One In Charge! He da One dat help you guys. He da One dat make shua You guys no get hurt.

Da One In Charge, Da One dat make da sky an da world. I like fo him give you guys da powa Fo do eryting he wen like you fo do Wen he make you.