Popular Bible Verses from Smart Guys 9

Share

If you come sked wen you tink bout who Da One In Charge, Cuz you get plenny respeck fo him, Den you ready fo start fo learn wat fo do. An if you know da One dat stay good an spesho, Den you stay ready fo start fo undastan stuff.

No try tell one big head guy Dat ony talk bad bout erybody, Dat he not suppose to do someting. Cuz if you tell um dat, Da guy goin hate you. But if you go tell one guy dat erytime know wat fo do Dat he not suppose to do someting, Dat guy goin get love an aloha fo you.

You talk dat kine to one guy dat know wat fo do erytime, An he goin know even mo betta wat fo do. You tell da kine guy dat stay do da right ting Bout someting he neva know how fo do, An he goin learn even mo betta.)

Cuz if you stay tight wit Da Lady Dat Know Wat Fo Do Erytime, You goin live mo long. Eh! You goin get plenny mo year.

(You know, anybody dat talk To da kine big head guys Dat ony talk bad bout erybody, An tell um, “Eh, no good wat you stay do!” Da bad guys ony goin make shame Fo da guy dat talk to dem lidat. Anybody dat tell one guy dat no stay do da right ting, “Eh, you not suppose to do dat!” Da guy dat tell um dat, Ony goin get bus up.