Popular Bible Verses from Smart Guys 6

Share

Get six kine tings dat Da One In Charge had it wit um. He come sick a dat kine tings. Da peopo dat ack high makamaka, Da peopo dat erytime bulai, Da peopo dat make peopo bleed, Even if da peopo neva do notting to dem, Peopo dat use dea head fo make one plan Bout how fo do wrong kine tings, Peopo dat use dea feets Fo hurry up an go do bad kine stuff, Peopo dat bulai any kine In front da judge. An numba seven, mo worse— Az da kine peopo Dat make braddahs go beef each odda. Dass da kine peopo Da One In Charge tell “Laytas” to.

Eh, you lazy buggah! Go look da ants. See how dey do stuff, So den you know wat fo do erytime.

You go sleep litto bit moa, An litto bit mo you moemoe, An lay back, An bumbye all one time, all yoa stuff, gone, Jalike one steala guy wen come take um. An all one time you no mo da stuff you need, Jalike one guy wit one knife wen jump you.

Eh my boy! I yoa faddah, So do da ting I stay tell you fo do, An no foget da rules Yoa muddah wen teach you. Stick wit all dat stuff Jalike stay inside you An stay hang aroun yoa neck, all da time.