Popular Bible Verses from Smart Guys 23

Share

Wen somebody boy do wass right, His faddah guy goin feel real good inside. Dat guy dat get one kid Dat know wat fo do erytime, He goin dance an sing cuz a dat.

No go work hard fo come rich! Be smart an take um easy.

Cuz fo shua, bumbye, Wen you come ol, yoa life goin be good. Da tings you stay wait fo get, You know you goin get um.

No look wat da bad kine guys do, An make jalike you like do Wateva dey stay do. Mo betta, go all out all da time Fo show plenny respeck fo Da One In Charge.

Wen da kids need learn How fo live da right way, No hold back. Mo betta dea okole sore, Den bumbye dey get cut off from God foeva.

Wen somebody like teach you Da right way fo live, Lissen plenny bout wat dey tell! Wen somebody talk Bout stuff you need fo know, Lissen wat dey tell!

You look litto bit at rich kine stuffs An dey disappea, Da rich kine stuff, jalike one eagle dat get wing An fly away to da sky.

Lissen good to yoa faddah guy, Cuz he da One wen give you yoa life. An wen yoa muddah come ol, No make jalike she not importan.