Popular Bible Verses from Smart Guys 14

Share

Get some way dat look jalike az da right way fo you go, But bumbye you goin go da Mahke Peopo Place.

No mo notting bodda you, Make yoa body feel good. You come jealous, Da body come all poho.

Da guy dat stay long time so notting bodda him, He undastan plenny. Da guy dat come huhu real fas, Erybody know him stupid.

Da kine wahine dat know wat fo do, She make shua da ohana inside her house stay solid. Da stupid head kine wahine dat tink she know eryting, Her da one jam up her ohana.

Wen you get awesome respeck fo Da One In Charge, You know notting bad goin happen to you, An yoa kids goin stay wea nobody can hurt um.

Wen you get awesome respeck fo Da One In Charge, Dass how you get life. Dass how you can stay away From da kine trap dat can kill you.

Da peopo dat know wat fo do erytime, Dey sked an dass why dey stay outa trouble. Da ones dat tink dey get it but dey no get it, Dey jus jump right inside da trouble an no give a rip.