Popular Bible Verses from Teacha 8

Share

But me, I figga, az good fo erybody feel good inside. Cuz no mo notting mo betta den one guy unda da sun eat, drink, an stay good inside. No matta he work all da days God give um fo stay alive unda da sun, he goin stay good inside.

Get bad guys dat do uku pile a bad kine tings, an still yet live long time, you know. But I know dis too: Da peopo dat stay sked a God, dey goin live mo betta den da bad kine guys cuz dey get choke respeck fo God.

Get da right time an da right way fo eryting you like do, No matta you get plenny trouble too.

No mo nobody get da powa fo stop da wind. No mo nobody get da powa fo figga wen dey goin mahke. Jalike da leadas no goin let nobody go home wen get war. Same ting, da bad kine stuff peopo do, No goin get um outa trouble.

Wen one guy do someting bad, an peopo no punish um right den an dea, da peopo goin figga dey can do all kine bad kine stuff too.

Get anodda ting dat happen on top da earth dat no make sense: Get guys dat do wass right, but dey get punish jalike dey bad kine guys. An get guys dat do bad kine stuff, an dey get wat da guys dat do wass right suppose to get. Fo shua dat no make sense!

Nobody know wat goin happen bumbye. Az why no mo nobody can tell anodda guy wass goin happen.