Popular Bible Verses from Teacha 4

Share

Two mo betta den one. Cuz dey work mo betta wen dey togedda. If one fall down, His fren can help um up. But Bummahs fo da guy dat fall down, An no mo nobody fo help um up!

Somebody can attack anodda guy an win, But dey no can win ova two guys. You no can broke one rope Dat get three strand.

An if two peopo lay down togedda, dey goin stay warm. But how one guy goin stay warm if jus him?

Mo betta get ony one hand full a stuff, an can res, Den get two hand full a stuff, But da kine work you gotta do fo get um, You ony stay chase da wind.

An I stay tink bout all da hard work an eryting dat peopo stay do. An how come dey do um? Fo shua, cuz one guy tink he do someting mo betta den some odda guy do um. Dat no make sense too. Dey chase afta da wind.

If get one young guy dat no mo notting, but he know wat fo do erytime, dat guy mo betta den one ol king dat no lissen wen somebody tell um wass da bestes ting fo him do.