Popular Bible Verses from MARCOS 5

Share

Huan Jesús quiilhui: ―Nane, timochicajqui pampa techneltocatoc. Xiya ica paquilistli pampa ayacmo tijpiya mococolis.

Huan itztoya nopona se sihuatl catli mojmostla esotemoyaya para majtlactli huan ome xihuitl. Quiijiyohuijtihualajtoya miyac tlamantli ininmaco miyac tepajtiani para quichicahuasquíaj pero san quisosolojtoya nochi tomi catli quipixtoya, huan amo tleno quipalehui. San achi más quiajsiyaya icocolis.

Huan nimantzi huajqui icocolis huan quimatqui para ya mochicajtoya.

Huan Jesús quimaitzqui nopa sihuapil huan quiilhui: ―Talita, cumi (quiijtosnequi: ‘Sihuapil, nimitzilhuía: ximehua.’)

Jesús noja quicamanalhuiyaya nopa sihuatl quema ajsicoj sequin tlacame catli hualajque tlen ichaj nopa hueyi tequitiquetl ipan nopa israelita tiopamitl. Quiilhuijque itata nopa sihuapil: ―Mosihuapil ya mijqui. Ayacmo xijcuatotoni ni tlamachtijquetl. Pero Jesús quicajqui catli quiilhuijque huan quiilhui nopa tequitiquetl tlen tiopamitl: ―Amo ximomajmati, san techneltoca.

Huan Jesús quiilhui: ―Aniajacahua Amocualtlacatl, xiquisaca ipan ni tlacatl. Huan nopa tlacatl quiijto chicahuac: ―¿Tlaque tijpiya ica na? TiJesús, tiIcone Dios Catli Más Quipiya Tlanahuatili. Xijtestigojquetza Dios para amo techtlaijiyohuiltis. Huan Jesús quitlatzintoquili: ―¿Quenicatza motoca? Huan quinanquili: ―Notoca, Miyac, pampa nelía timiyaqui tiajacame.